نبضات غيم

يالنايفة
يالسامية
يالعالية
يامزنة الشوق الخفي
هلّي المطر هتـّان
على القلوب الضامية
واسقي الضلوع النامية
وصحّي القلوب النايمه
انتي لي المزنة
أشرب أنا حبي
رشِّي على وجهي
يمكن يردّ لي وعيي
وأشوفك قبالي

هاتي الخبر رويان
من الشفاهـ الدامية
وأحكي لي عن نبعي عن الوديان
عن الأهل والخلاّن
غريب تايه من زمان
يومه لقاك
نسى أهله نسى الخلاّن

يالنايفة
ياللي سكنتي وسط عيني
والهدب لك ظل وظلال
تقرأ حروفك عيوني قبل لاتنطقين
وأكتبها بدموعي ولا تحزنين
وألوِّنها بدمّ القلب ولاتتألّمين
بس
أشوف البسمة
تنــــــــوِّر الوجه الحزين

بين الثنايا اللامعة
سؤال دايم أسمعه
إنتي بشر والا ملاك
إحترت أنا – والله – معاك
كثير .. صعبة الأسئلة
سؤال مضمونه جواب
حيرة دمع وأهداب

يالنايفة
ياللي تعلقتي بين السماء والروح
بين المدى والبوح
في غربتي تعزف ألحاني الجروح
ياللي سكنتي بين الهدب والموق
وأخذتي بقايا الشوق
بعدك ما ودّي أشوف بشر أو مخلوق

يالنايفة
داعب الفارس حرفك
وامتطى خيل المعاني
يصهل الخيل ويفاخر
دام الرسن في يدينك
دامك معه شوفه عيونك